الثلاثاء، 26 يوليو 2011

راية الحرية

ثارت أرضك سوريا
و نفضت غبار الذل من عليا
و رجعت أمجاد ماضيا
و قالت بدا كرامة و حريا
و من حوران هلت عليا
و من درعا هبوا ليا
و أطفالها بدأو هني فيا
و جن الامن عليا
و قامت بانياس و الادقيا
وقالت يا درعا نحنا ليا
و هبت حمص العديا
تحمل رايتها العالايا
لتقول و هيي كلمتها
و حماه ما رضيت تتركها
و قالت انا أولى فيا
والمليونية كانت فيا
و ريف الشام و نخوتها
دوما مضايا وداريا
لبت الفزعة لأهليا
و رجال الشام هزتها
و قالت هالثورة دين علينا نصرتها
و أسود الدير اعتصمو ليا
و سباع ادلب قامو بواجبهم فيا
و الاكراد كانو ليا
و قالو نحنا اخوة بسوريا
و بالروح نحنا نفديا
و حلب الله يقويا
لتقوم تزلزل أراضيها
و ترجع عز ماضيها
هاي هي سوريا
الحرة الابيا
طردت بشار والحراميا
و الانذال و العواينيا
و قالت هيك بتنحب سوريا
و بتنعز هيي و اهاليا
و بتنال احلى كرامة و حريا

عزيمة معتقل ..

لا تظن أني خائف أيها السجان
فإني صامد على مر الزمان
و إني صابر مهما أسرت في هذا المكان
لا يخرج السجن مني غير عزيمة و اصرار
و قوة و شجاعة لا تلين مع الظلام
فمهما فعلت فلن تنتصر أيها السجان
لاني صاحب حق و صاحب الحق سلطان
فأسرني دهرا
فإن لك يوما لا محال
و سيأتي يوم يزول ظلامك عن هذا المكان
و ينتشر نور العدل في الأوطان


قوة شعب ...

إني أنا الشعب الذي لا ينحني
مهما تكاتف عليه الظلام
إني أنا الشعب المطالب
بكرامتي و حريتي بالدماء
إني أنا الاعصار الذي لا يصمد في وجهه الجبناء
فاقتل و عذب و شرد و يتم
فإني باق على مر الزمان
و إن عزيمتي لا تلين مع مثلك من الأنذال
فارمي بثقلك و العب لعبة النصب و الاحتيال
و ابعث كلابك في الشوراع و املأ بها الساحات
فسأظل اسقي نبتتي بدماء أبنائي الشهداء
حتى أراها شجرة تكبر مع الأيام
و أراها شجرة تعطي الثمار للاجيال
و تظل في ظلها الأبطال و تطرد كل كلب من الأنذال
فيا أيها الابناء هبو لنصرة الأوطان
و اهتفو لحرية البلدان
و لا تتحاوروا مع السجان
و سيروا على نهج حرية الأبطال
و و حدوا الصفوف لاسقاط النظام

شعب ...و نظام

ثارت أرض الأحرار
وقالت نحنا الشعب الي ما بينهان
بدنا كرامة وحريات
و لا الموت و ما بننهان
عم نشوف الي عم يصير
و نحنا أولى بالتغيير
و صرلنا زمان على هالحال
بس هالمرة متأكدين انو رح يحصل تبديل
قالو عنا كتير كتير
قالو عنا مو عارفين
و الي صار صرلو زمان
و هدول شلة ضايعين
و قالو عنا كتير كتير
و ظنو إنا ساكتين
بس قلنالون مو مطولين
و حياتكون جاي التجديد
و ضلو يحكو كتير كتير
و قالو هاد كلام مجانين
و وقت شافو الشباب بتنادي بالتحرير
قالو القتل و التعذيب
قلنالون سلمية سلمية
و عم نطالب بالحرية
و قالو شو هالتخريف
و شو هالموضة الي نازلي عالطريق
و قالو هالأشياء ما بتصير
و البلد آمن كتير
و ياويلو الي بطالب بالتغيير
و أحسنلكم ضلو ساكتين
ولا نسيتو أيام السبعين و التمانين
و لا جاي على بالكن أيام الالفين
قلنالون سليمة سلمية
و عم نطالب بالحرية
و قلنالون في ألفين
بس هالمرة متأكدين
انو رح نغير كتير
و هالبلد رح يرتاح عالأخير
من هالناس الظالمين
و بلشو بالتهديد و الوعيد
و صارو يمنعو التصوير
و التقويس على المحتجين
و الشهداء بالطريق
قلنالون مو هالشي الجديد
و من يوم يومكون مجرمين
و القتل و التعذيب ما رح يخوفنا كتير
و التغيير بدو يصير
لانو الدم ما بضيع
و نحنا هالمرة صامدين
و الجوال بصور كتير
و القنوات عندا الفضايح بتصير
و اذا انتو متخلفين
الله يعين عالتجديد
و نحنا هالمرة صامدين
و متأكدين انو التغيير رح يصير
لانو الشعب السوري ما بينذل
و راسو دوم بالعالي
و بدنا نعيش بحرية
اسلام و مسيحية
و من دون طائفية
و هالموضة رح تصير
و مارح ينفع الترقيع
و بالمطالب متمسكين
و على الموت نحنا رايحين
حتى يحصل التحرير
من هالناس الظالمين